शिवावरी झुंजलो तू
शेपडी भीतर घालून धावलो ना
रक्तान माखलो तू
तरी त्रासाक भियोन बावलों ना
दाखोन दिली आत्म शक्त तुजी मदांद असुरा
म्हण नमन तुका… म्हज्या धाड़सी गोंयकारा
अन्याया आड़ आवाज चडयलो
अत्याचार तुवे सोसलो ना
हावरयांक शेळो घाम देवयलो
भ्रष्टाचार तुवे पोसलो ना
वाचयली तुवे वसुंधरा आनी मोनजातीची घरा
म्हण नमन तुका… म्हज्या धाड़सी गोंयकारा
गोंयकार म्हणल्यार वाग
समजचो न्हय दारावेलो सुणो
ताकाय येता राग
मारचो न्हय ओगीच गुणो
दिली ही कड़क शिकवण अख्या सवसारा
म्हण नमन तुका.. म्हज्या धाड़सी गोंयकारा
दुर्गादास नारू नायक

LEAVE A REPLY

Please enter your comment!
Please enter your name here